کریم نگر کے اردو صحافیوں کی جانب سے محمد ضمیر کو اظہار تعزیت

این ٹی وی رپورٹر محمد ضمیر الدین جگتیال کے سانحہ ارتحال پر کریم نگر کے تمام اردو صحافیوں نے اس ناگہانی حادثہ پر اظہار تعزیت پیش کرتے ہوئے کہا کہ شہر کریم نگر کے اردو میڈیا سے متعلق تمام صحافی انکے افراد خاندان کے غم میں برابر کے شریک ہیں ۔اس موقع پر سینئر جرنلسٹ کریمنگر محمد نثار احمد پروانہ نے کہا کہ ہم حکومت تلنگانہ سے اپیل کرتے ہیں کہ محمد ضمیر کے اہل خانہ کو مالی امداد کی جائے علاوہ ازیں ٹی وی چینل کے ذمہ داران بھی انکی اس قربانی کو فراموش نہ کریں ۔ اس موقع پر کریم نگر کی صحافت کے افق پر ابھرنے والا الیکٹرانک میڈیا یوٹیوب چینل اے۔ بی ۔نیوز اردو کے چیف ایڈیٹر خواجہ عالم الدین اور نیوز اینکر محمد الطاف احمد نے بھی اظہار تعزیت پیش کرتے ہوئے گہرے رنج و ملال کا اظہار کیا۔