گریما اگروال نے گھروں اور اطراف و اکناف کی صفائی کا عوام کو دیا مشورہ

Grima Agarwal advised the people to clean their homes and surroundings

موسم برسات کے پیش نظر گھروں کے ساتھ اطراف و اکناف کے علاقوں کو صاف ستھرا رکھنے کا ایڈیشنل کلکٹر مجالس مقامی گریما اگروال نے عوام کو مشورہ دیا ۔تفصیلات کے مطابق بروز پیر کریم نگر شہر کے تھیماپور ، اور مکرم پورہ کا ایڈیشنل کلکٹر نے دورہ کیا ۔ اس موقع پر انہوں نے عوام سے مخاطب ہوتے ہوئے کہا کہ مکانات میں موجود اشیا اور ،اطراف و اکناف کے ماحول کو صاف ستھرا رکھیں ۔ انہوں نے عہدیداران کو سیزنل ، ڈینگو ، جان لیوا بخار پر شعور بیداری کی ہدایت بھی دی ۔

انہوں نے مزید کہا کہ پھولوں کے گملوں ، کولروں ، ڈرموں میں پانی کے جمع ہونے سے مچھروں کی افزائش کے باعث امراض کےلاحق ہونے کا خدشہ ہوتا ہے ۔ چناچہ امراض کے پھیلاؤ کے ادراک کے لئے ہر فرد اپنے گھروں ، اطراف و اکناف کے ماحول کو صاف ستھرا رکھیں ۔ ہر منگل ، اور جمعہ کو ڈرائی ڈے کا اہتمام کیا جائے ۔

اس موقع پر ضلع عہدیدار برائے صحت و طبابت ڈاکٹر جویریا ، میونسپل کمشنر سیوا ایسلاوت ، ضلع عہدیدار برائے انسداد ملیریا ، میپما پی ڈی رویندر ، میونسپل سانیٹائیزیشن عملے و دیگر نے شرکت کی ۔