خانہ کعبہ میں برفباری سے متعلق ویڈیو جعلی ہے: سعودی حکومت کی وضاحت

Kaaba Snowfall Video Is Fake: Saudi Government Explains

جدہ _ 2 جنوری ( اے۔بی نیوزاردو)

گزشتہ روز سے مختلف سوشل میڈیا پلیٹ فارمز پر ایک خانہ کعبہ میں برفباری کی ویڈیو وائرل ہورہی ہے اور کئی افراد نے اس ویڈیو کو بغیر تحقیق وائرل کردیا۔ ویڈیو کے وائرل ہونے پر سعودی حکام کو وضاحت جاری کرنی پڑی ۔ سوشل میڈیا پر ایک ویڈیو وائرل ہے جس کے حوالے سے دعویٰ کیا جا رہا تھاکہ خانہ کعبہ میں پہلی بار برفباری ہوئی ہے۔ اس پر سوشل میڈیا صارفین نے طرح طرح کے تبصرے کیے ہیں تاہم اب سعودی حکام نے مملکت کے مقدس مقامات کی تفصیلات بتانے والی حرمین شریفین کے ٹیوٹر ہینڈل پر خانہ کعبہ میں برفباری کی ویڈیو پر ردعمل دیتے ہوئے کہا کہ یہ ویڈیو جعلی ہے خانہ کعبہ کے پاس اس طرح کی کوئی برفباری نہیں ہوئی